Los Angeles, Naitung:
Ka Pentagon ha ka Sngi Ba-ar, ka la pyntip ba ka la phah 2,000 ngut ki shipai ka National Guard sha Los Angeles, kaba la long mar shiteng ia ka jingdon ki shipai katei ka tnat kiba la phah sha katei ka nongbah ban khang lad ia ki jing-iakhih paidbah kiba pyrshah ia ki aiñ pynher krad phetwir jong u Trump.
Lada ai jingkheiñ kyllum, ki la don palat 4,000 ngut ki shipai ka tnat National Guard bad kumba 700 ngut ki shipai ngam um kiba la phah sha katei ka nongbah tad haduh u bnai Jylliew mynta u snem.
Hynrei la ong ba ha kane ka sien, ka Pentagon ka la pynbna ba kan sangeh noh ia ka jingphah shipai sha Los Angeles khlem da pynshai ruh ia ka daw bad kiei-kiei kiba iadei bad kane.
