Kaba nyngkong ka jingpait ki longïing longsem ka dei ka jingïapher u symbai lyngba ka shongkha shongman. Shipara trai ruh mih ka jingïapher jingmut ha ïing ha sem. Shu buh ka hynmen nyngkong ka ioh u tnga uba ai jait “A” Ka para kaba ar kaba ioh ïa u tnga ba ai Lyngdoh “Y” Kaba lai ka ioh ïa u tnga u bym dei Khasi. Kine shipara ki dei na ka jait “K” baroh lai ngut. Te ki khun ka hynmen kim dei shuh na ka jait “K” ki la dei ka jait “A” jong u kpa. Ki khun ka para ba ar kim dei shuh na ka jait “K” ki la dei na ka jait “Y” Ki khun ka para ba lai kim dei shuh na ka jait “K” ki la dei na ka jait bym dei Khasi. Te kane ka jingïapher ha u symbai ka la pynlong ïa baroh lai ngut ki shipara ban don ka jingïapher bad pait ka longïing longsem. Namar kaba nyngkong ka ioh kpa na ka jait “A” kaba ar ka ioh u kpa na ka jait “Y” kaba lai ka ioh ïa u kpa u bym dei para Khasi/ Kine ki khun ki dei shipara ar kmie ki khot namar na kajuh ka jait ka kmie, hynrei na ka liang ki kpa ka la ïapher bad ïa jngai na u A haduh u Y bad haduh u Z. Kumta kam long kaba suk ban pynïajan ïa ki wat la ki dei na ka juh ka jait “B” jong ka kmie. Namar ki kpa ki la ïapher na ka jingïapher ka jait ba ki bat. Kumta ka pait keiñ ka longïing longsem.
C. B. Iawphniaw
