Mawkyrwat, Naitung 18
Ka South West Khasi Hills District Badminton Association (SWKHDBA) kumba ju leh man la u snem kum shi bynta ban kyntiew ïa ki khynnah pule ha ka jingïalehkai badminton bad wanrah ruh ka jingïatylli jong ki skul hapoh ka distrik mynta u snem ruh kan pynlong biang ïa ka lympung ïalehkai badminton kaba la tip kum ka 6th South West Khasi Hills District Inter School Badminton Championship 2025.
U Bah H.S Diengdoh, President ka SWKHDBA haba ai jingkren u la ïathuh ba ïa kane ka lympung yn pynlong ha ka 28 tarik haduh ka 30 tarik u Naitung 2025 naduh ka por 9 baje mynstep ha Mawlangwir Indoor Stadium.
Nalor kane, u la ïathuh ruh ba ki kyrdan ïalehkai jong ki khynnah hapoh 12 snem shynrang bad kynthei kan don tang ka single, under-14 boys & girls, single & doubles, under-16 boys & girls, single & doubles, under-18 years boys & girls, single & doubles & mixed doubles bad ka tarik khatduh ban pynpoi ïa ki form kan long ka 23 tarik u Naitung 2025.
Kumta, sa shisien na ka liang ka SWKHDBA ka khot bad wer ïa baroh ki skul jong ka distrik ba kin wan ban ïashim bynta ha katei ka lympung ïalehkai badminton.
