Shillong, Naitung 18
Ka Meghalaya Commer-cial Truck Owner & Driver Association (MCTODA) ha ka Sngi Thohdieng ka 18 tarik u Naitung 2025 ka la pynlong ïa ka jingïalang ha Laitkor, Shillong bad ki trai trok bad ki nongñiah halor ka jingïakynduh ïa shibun ki jingeh.
Haba kren bad ki nongthoh khubor, na ka liang u Chairman ka (MCTODA) Bah Moska -lander Marngar u la pyntip ba ka jingïakynduh ka kynhun mynta ka sngi ka long kum shi bynta ban ïakren halor ka jingïakynduh jingeh.
Ka jingeh kaba nyngkong kaba ka kynhun ka ïakynduh jingeh ka dei halor ka jingmih biang katto-katne ki khyrdop khrong khajna kaba la pynduh thiah ïa ka kynhun MCTODA.
U la ong, ka Association ka la phah da ka jingthoh sha ki bor pynïaid district ha ophis DC bad na ka liang ka ophis DC ka la ong ïa ka kynhun ban pyntip ïa kita ki khyrdop khrong khajna.
Na ka liang ka kynhun mynta ka sngi ka la shim ïa ka rai ba lada ki dang pynthut pynwit, ka kynhun kan sa pyntip sha ki bor pynïaid jong ka sorkar bad kam dei ban sah tang ha ki jingpyntip, hynrei ka dei ban shimkhia ïa ka jingeh jong ka kynhun.
Shuh-shuh, u la kyntu ïa kito kiba khrong khajna katba kim pat ïoh jingbit na ki bor pynïaid district bad na ka sorkar kam dei ban pynbor ïa ka dkhot jong ka Meghalaya Commercial Truck Owner & Driver Association (MCTODA).
Ka Association mynta ka sngi ka la shim ïa ka rai ba kan ym ai ïa ka bai khrong khajna bad kan sa thoh sha ki bor pynïaid district jong ka Sorkar bad lada kam don kano-kano ka jingpyni dak da ka lynti kaba dei, ka Association ka la long kaba khreh ban ïaleh pyrshah ha kum kine ki bynta namar ba la mad shibun ki jingeh.
U Snem Kyndait, nongai jingmut ka MCTODA na Jaiñtia Hills, u la pyntip ba ka kynhun na Jaiñtia ka la pyntip ba ki ïakynduh shibun ki jingeh bad ki la pynlong ruh ïa ki jingïakhih ha ki khyndiat bnai ba la dep.
Hadien kata, u DC bad ki trai karkhana ki la khot ïa ki nongïalam jong ka MCTODA na Jaiñtia Hills ban ïakren bad ki la lap ba ki don ar tylli ki kynhun association na East Jaiñtia Hills bad ka Jaiñtia Truck Owner Association ki la leit kit ïa u coke na East Jaiñtia Hills bad ka kynhun MCTDOA Jaiñtia Hills ka la pyntip ba lada kim shah ban kit ïa u Coke bad lada ki phah ïa ki ‘number truck’ sha ki karkhana bad lada kim ailad bad shah ïa ki.
U la ong ruh ba ka MCTDOA na Jaiñtia Hills kan sa pynlong biang da ki jingïakhih bad shim da ki sienjam kiba tyngeh ïa kino-kino ki kompani kiba shim kabu ïa ka Meghalaya Commercial Truck Owner Driver Association na Jaiñtia Hills.
