Nongpoh Naitung 18:
Ki nongïalam jong ka Hynniewtrep Youth Council (HYC), Ri Bhoi Sepngi, mynta ka sngi ki la leit ban ai ti ïa ka dorkhas sha ka ophis jong u Superintendent of Police ka Ri Bhoi District halor ka jingdonkam ban buh noh ïa ki pulit kynthei ha ka thanad Patharkhmah jong ka thaiñ Ri Bhoi Sepngi.
U Bah RC Thangkhiew haba kren sha ki lad pathai khubor u la ong ba ka Ri Bhoi Sepngi kadei kaba heh bad kaba ïar bad ka jingbym don jong ki pulit kynthei, ka buh jingeh shikatdei ïa ki paidbah haba mih kino kino ki jingjia kiba ïadei bad ki kynthei ne khyllung khynnah.
U la ong ruh ba ka na ka liang ka seng ka dawa ba la dei ban buh noh ïa ki pulit kynthei ha katei ka thanad kaba don ha Patharkhmah khnang ba kan pynsuk ïa ki paidbah bad ruh ïa ki bor pulit ban treikam haba don kino kino ki jingjia kiba ïadei bad ki kynthei.
Wat lada ha kane ka sngi, na ka liang jong ki nongialam ka seng kim shym la ïoh satia ban ïakynduh ïa u SP ka Ri Bhoi, hynrei ki la pynpaw ba kin nym shongthait bad ïai buddien ïa kane ka kam wat lada dei wat ban hap kynduh ïa u myntri ba dei khmih ïa ka tnad pulit ha ka jylla ruh.
