New York, Naitung:
Uwei u nongkhaii uba dei u nong India bad 3 ngut ki heh pulit jong lai tylli ki nongbah ha US ki la shah pynngat kyndon pynkheiñ aiñ halor ka jingleh thok ha ka liang ka Visa, la kynnoh ba ki la pyndonkam bakla ia ka kyndon ban iarap ia kiba shah ktah ha ki kam runar.
U Chandrakant Lala Patel u la pynbam pisa ia ki pulit ha ki lai tylli ki nongbah ha ka jylla Louisiana ban pynmih ia ki jingthoh thok ba shah tuh ki tiar siat bad ban jer kyrteng ia ki briew kiba u la tyrwa, ki ban iatreilang ban leh mynleh kum ki nongshah thombor khnang ba kin lah ban dawa ia ki visa ba ju ai na ka bynta ki nongshah thombor.
Ka sorkar pdeng kaba halor duh ka la pynrem halor ka jingleh thok jong kitei ki heh pulit bad kumjuh ruh u nongbishar ba bat ia ka sorkar pdeng, u Alexander Van Hook, ha Lafayette, Louisiana.
U Patel, uba la ioh hi dalade ia ka Visa kaba la thmu naka bynta ki nongshah lehbeiñ, u la siew ia ki heh pulit mar $5,000 na ka bynta uwei pa uwei u briew uba u la iatreilang bad ki ban leh mynleh kum ki nongshah lehbeiñ.
