Shillong, Naitung 18
Ka Genie Bouchard, kaba la poi sha ka phainal jong ka Wimbledon bad ar tylli kiwei pat ki jingïakhun semi-final jong ka Grand Slam ha u snem 2014, ka la shongthait noh na ka jingïalehkai tennis. Kane ka nong Canada kan ïalehkai ha ka National Bank Open ha Montreal ha kaba kut jong une u bnai shwa ba kan pynkut noh ïa la ka kam ïalehkai, ong ka tnat Tennis ka Canada ha ka Sngi Balang. Katei ka seng, ka ïathuh ba ka Bouchard 31 snem ka rta, yn ai ïa ka wild card ban rung ha katei ka lympung ha ka shnong trai jong ka. “Phin sa tip ynda la dei ka por na ka bynta jong nga, ka dei mynta,” ryngkat bad ki dur jong ka ba ka dang ïalehkai. “Ka jingkut kan long ha kajuh ka jaka ba la sdang: Montreal.”
Ka Bouchard ka la poi sha ka kyrdan kaba san ha ka miej jong ka WTA bad ha u snem 2014 ka la jop ïa ka nam lahduh jong ka jingïalehkai marwei. Ka la shah rem ha ka Petra Kvitova ha ka phainal jong ka Wimbledon hadien ba ka la poi ruh sha ka semifinal ha katei ka snem ha ka Australian bad French Open.
Ka la wanphai biang ïa ka jingïakhun sha ka quarterfinal ha Australia ha u snem 2015, hynrei ka jingïalehkai jong ka kam shym la long kumjuh hadien ba ka la kum syntuid bad ur ha madan ha ka mala kaba sngem ha ka kamra kylliang jaiñ ha U.S. La pyntip hadien uta u snem bad ka la mad ïa ka jingmynsaw kaba la pynlong ïa ka ban weng noh shwa na ka jingïalehkai kaba saw jong ka.
Ka Bouchard ka la ïarap ïa ka Canada ban ïoh ïa ka nam lahduh Billie Jean King Cup ba marwei jong ka ha u snem 2023 hynrei ka la ïalehkai tang kawei ka jingïalehkai ha ka tour ha kane ka samoi. Ka don ïa ka rekod ïalehkai ‘singles’ ha ka jingim jong ka kaba long 299-230.
“Ka la long kawei na ki briew ba kongsan tam ha ka histori jong ka jingïalehkai jong ngi ha Canada bad ka nongsdang lynti kaba la pynkylla dur thymmai ïa kaei kaba ka lah ban long ka jingïalehkai tennis ha Canada,” ong ka Valerie Tetreault, ka nongpynïaid ïa ka National Bank Open tournament. “Ngi sngew sarong ïa kaei baroh kaba ka la leh, kum ka nongïalehkai bad ka nongïalam, bad ngim lah khlem da khmih lynti ban ïohi ïa ka ha ka jingïalehkai ha ka sien kaba khatduh ha ka madan IGA mynta ka lyiur.”
