Los Angeles, Naitung:
Katkum ki khubor, la iathuh ba 3 ngut ki la khlad hadien ka jingbthei ha ka jaka ai jinghikai ia ki pulit kaba don hapoh ka nongbah Los Angeles, ha kaba ki bor pyniaid ki kam ba katei ka jingjia ka dei kaba jia ryng-khat bad ka jingthut jong ki kor- ki bor kiba don hapoh katei ka jaka.
Nalor jong kitei 3 ngut kiba khlad, ym shym don kiwei pat ki dkhot jong kiwei pat ki tnat, ki ban shah ktah ne ngat ha katei ka jingjia ha katei ka sngi.
Ki bor pyniaid ki iathuh ba kin dang hap ban wad bniah ia ka daw jong katei ka jingjia bad kan ym don jingktah eiei ia ki nongshong shnong ha katei ka jaka.
La ong ba ha katei ka sngi, baroh ki heh jong ki tnat wad bniah ba iadei bad ka kyiad, duma, ki tiar siat bad ki tnat ba dei wad bniah ia ki laiñ ki jingpynbthei, ki la leit poi lut sha katei ka jaka ban peit thuh ia ka daw jong katei ka jingbthei.
