Shillong, Naitung 20
Ïa ka lympung ïalehkai Mawlai Cup Football Tournament 2025 ba la pynïaid da ka Red Mark FC la sdang ha ka 18 tarik mynta u Naitung ha madan Heh Mini Stadium kaba ha Mawlai Phudmuri
Ïa kane ka lympung la plie da u President ka Seng Samla Mawlai Pyllun u Bah Samuel Biam ha ka jingïadon lang ki dkhot ka Red Mark FC bad kiwei kiwei.
Haba ai jingkren ha katei ka sngi plie, u Bah Samuel u la kyntu kynpham ïa ki samla ka Mawlai ba kin ïaineh bad pynmlien ha kum kine ki lympung ïalehkai phutbol khnang ba kin lait na ki jingmyllien kiba sniew bad kin ïoh ruh ïa ka met ba koit ba khiah.
Haba phai sha ka jingïalehkai ha katei ka sngi plie, ka Motsyiar ka la pynliem noh ïa ka Umthlong (Sohplom UTD) haduh 17-0 kol.
