Shillong, Naitung 20
Ka ïingbishar District & Session Judge, Shillong, ka la pynjlan ïa ka judicial custody sa 14 sngi ban set ïa ka Sonam Raghuvanshi bad ïa u samla jong ka, u Raj Singh Kushwaha.
Ïa kane ka hukum la pynmih da u Judge D.K.K. Mihsil ha ka 18 tarik u Naitung, kaba bthah ïa ka Sonam bad u Raj kiba la shah kynnoh ba ki dei kiba donkti ha ka ban pynïap ïa u Raja Raghuvanshi, ki dang dei ban shong ha Judicial Custody.
Shi sngi shwa kane, ka ïingbishar ka la pynmih ïa kajuh ka hukum pyrshah ïa ki lai ngut kiba kynthup ïa u Akash Rajput, u Anand Kurmi bad Vishal Chauhan ïa kiba la kynnoh ba ki dei kiba donkti lang ha kajuh ka kynhun ba la ai nong da ka Sonam. Ïa ka jingbishar la pynlong lyngba ka video conference.
Dang khyndiat sngi, ka ïingbishar ka la ai jamin noh ïa u Silome James, u nongkhaïi ïing, uba la shah kem lang ha kane ka kam pynïap briew.
U Raja Raghuvanshi, 29 snem ka rta u nongkhaïi na Indore, Madhya Pradesh, la lap ba u la shah pynïap ha kawei ka jaka pynïeng kali hajan ka kshaid Wei Sawdong ha Sohra ha u bnai Jymmang ha ka jingleit kai ‘Honeymoon’ bad ka kurim jong u ka Sonam Raghuvanshi sha Sohra.
