Nongstoiñ, Naitung 20
Shi bynta ban pynkhreh na ka bynta ka 39th Natio -nal Games 2027 hapoh ka Jylla, ka West Khasi Hills District Taekwondo Association (WKHDTA) ka la pynbna paidbah ba ka la pynlong ïa ka District-Level Taekwon-do Training-cum-Selec-tion Trial naduh ka 17 tarik bad kan kut haduh ka 31 tarik mynta u bnai ha Indoor Sports Sta-dium, New Nongstoiñ, West Khasi Hills.
Kat kum ka kyrwoh la ong ba kane ka prokram ka dei na ka bynta ban pynkhreh bad ban jied ïa ki nongïalehkai ba tbit tam kiba lah ban ïashim bynta ha ka 39th National Games 2027 ka ban pynlong da ka jylla Meghalaya.
Shuh shuh ka synjuk ka khot bad wer ïa baroh ki nongïalehkai Taekwondo kiba don ka sap bad kiba lah ban shah jied, ba kin ïashim bynta ha kane ka prokram ai jinghikai bad rung sha ka jingpyrshang ban jied ïa ki nongïalehkai kiba kynsai.
La ong ruh ba ka thong jong kane ka jingïalehkai ka long ban jied ïa ki nongïalehkai ba kynsai bad ban kyntiew ïa ka sap ïalehkai jong ki samla ka district.
Shuh shuh ka khubor ka ong ruh ba na ka bynta ki jingtip ba bniah, ki lah ban phone ïa u Secretary ka WKHDTA, u Bah Kaining-star Syiem ha u number 87876 02028 lane ka Kong Siewdorhun Mawlong ha u number +91 60090 33873.
