Dung uba don jingduna bor pyrkhat ïa u khynnah 16 snem

Utei uba shah kynnoh donkti u la dung arsien ïa utei u khynnah na ka shadem bad ka kpoh.

Tura, Naitung 21

Ki pulit ka West Garo Hills ki la kem ïa uwei u briew uba don jingduna ha ka bor pyrkhat (uba dang don hapdeng ka jingdih dawai) hadien ba u la dung ïa uwei u khynnah ha Selsella, ha katei kajuh ka distrik.

Katkum ka jingïathuh ki pulit, katei ka jingjia ka la jia ha ka por kumba 11 baje mynstep hakhmat ka Dolguri Durga Puja Mandir kaba hap hapoh Selsella OP ha kaba u Abhijit Hajong (21 snem ka rta) na ka shnong Dolguri u la dung ïa uwei pat uba dang 16 snem ka rta uba na katei kajuh ka shnong. Utei uba shah kynnoh donkti u la dung arsien ïa utei u khynnah na ka shadem bad ka kpoh.

Ïa une u khynnah la pynkit noh sha Tura Civil Hospital ban ïoh jingsumar bad la kem noh ïa utei uba shah kynnoh donkti. Hadien, la ïoh jingtip ba utei uba shah kynnoh u don hapdeng ka jingdih dawai namar ka jingpang ha ka bor pyrkhat.