Khliehriat, Naitung 21
Ka ïingbishar Special Judge POCSO, East Jaiñtia Hills District ka la rai pynrem ïa u Shambhu Ray da kaba set patok 7 snem kynthih halor ka jingleh be-ijot ïa ka khynnah kaba dang rit rta.
Ïa ka mukotduma la register ha thanat Khliehriat C/No. 27(04)2023 U/s 5(m)/6 POCSO Act bad la tohkit da ka SI DD Warjri. La pyngngat charge-sheet ïa u Shambhu Ray ha ka 11.07.2023.
Hadien ba la pyndep ïa ka jingbishar, ka ïingbishar Special Judge POCSO ka la rai pynrem ïa u Shambhu Ray da kaba set patok 7 snem hapoh ka kyndon 77 jong ka Juvenile Justice (Care & Protection) Act ryngkat ka kuna kaba T.30,000.
Ka ïingbishar ka la bthah ruh ban siew bai lutskan kaba long T.4 lak sha katei ka khynnah.
Ha kajuh ka por, ka ïingbishar Special Judge POCSO, East Jaiñtia Hills District ka la rai pynrem bad pynshitom ïa u Peitlang Bamon namar ka jingleh be-ijot ïa ka khynnah kaba dang rit rta.
Ïa ka mukotduma la register ha Khliehriat Women Police Station C/N0. UIs 7/8/1 1 (i)/12/18 POCSO Act bad la tohkit da ka WP-Inspector O Tyngkan bad la pynngat charge-sheet ïa u Peitlang Bamon ha ka 06.10.2021.
Ka ïingbishar ka la rai pynrem ïa u hapoh ki kyndon jong ka POCSO Act da kaba set patok 4 & 3 snem bad pynngat hapoh ka kyndon 8 & 12 jong ka aiñ POCSO Act ryngkat ka kuna T.20,000 bad lada um lah ban siew un shah set patok shuh sa kumba shi bnai.
Shuh shuh ka ïingbishar ka la bthah ruh ban siew bai lutksan kaba T. 1,50,000 sha katei ka khynnah.
