Shillong, Naitung 22
Ka Meghalaya High Court ka la ailad ïa ka University of Science and Technology Meghalaya (USTM) ba kan weng noh ïa ka mukotduma ‘writ petition’ kaba ïadei bad ka jingpdiang ïa ki 36 ngut ki samla pule khlem ka counselling, kaba la wanrah ïa ka jingma ïa ka jingpule jong ki.
Ka USTM ka la buh ïa ka jingkyrpad ban weng noh ïa katei ka mukotduma khnang ba ka skulbah kan lah ban jied ïa ka ‘statutory appeal’ katkum ka kyndon 35 (5) (6) jong ka National Commission for Indian System of Medicine Act, 2020.
Ka ïingbishar ka la kdew ba ka lawei jong ki samla pule ka sahkut ha suiñ bad la khmih lynti ba ka ‘appellate authority’ kan pyrkhat bha ïa kano-kano ka jingpynslem ban shim bishar ïa ka jingkyrpad.
Ïa kane ka hukum la pynmih da ka ïingbishar Single Bench jong u Justice HS Thangkhiew ha ka Lah Sngi U Blei, haba pynwai noh ruh ïa ka mukotduma.
Kane ka rai la ailad ïa ka USTM ba kan shim ïa kiwei pat ki lad ki lynti ban pynbeit ïa kane ka kam kaba ktah ïa ka lawei ki samla pule ha ka pule ka dangle.
