Ka jingïap ka bym ju kdang bad ka la don naduh myndang long ka pyrthei ba u Blei u la thaw ïa kiei-kiei baroh kiba don ha ka kynthup ïa ngi ki briew. Kata ka long ka jingngeit jong ngi ki briew. Ka jingïap ka la don bad ïaid ha ka jingim jong ngi ki briew dei namar ba ym don mano-mano kiba lah ban pynim pat ïa kiba la ïap. Wat u nongbuh nongthaw ruh um lah ban pynim pat ïa kiba la ïap. Wat u nongbuh nongthaw ruh um lah ban pynim ïa kiba la ïap. Kumta sa ka don kane ka ophis jong ka jingïap. Namar ka jingïap ka long ka pop kaba ktah ïa ka doh bad ka mynsiem bad ïa ka jingmut jingpyrkhat jong ngi ki briew. Lada lah ban pynim kata ka jingïap kan ym don ha ngi ki briew. Hynrei namar bym lah ban pynim, kumta ka sa mih ka jingïap ha ngi ki briew. Naduh ki por mynbarim ba jah haduh mynta ym pat don ba lah ban pynim ïa kiba la ïap noh ha kane ka sla pyrthei. Ka lynti jong ka jingïap ka long kaba kut ïa ngi ki briew. Ka jingïap jong ngi ki briew ka la synshar naduh u briew uba nyngkong haduh kine ki sngi kam ju kylla. Ka jingïap kam ju don kur don jait ne bahaïing bahasem. Ka rat naphang lin ïa baroh khlem map ïa kiba la thoh shun ha kane ka sñi jong ka jingïap. Ka jingïap ka long ka super cancer kaba thombor ïa ka jingim briew. Ka Baibl ka ong bad ym don kawei pat ka kyrteng hapoh ka bneng ïa kaba la ai hapdeng ki briew da kaba ka dei ba yn pynim ïa ngi (Kam 4 : 12). Ka jingïap ka long ka nongshun kaba khadduh ha ngi ki briew.
C. B. Iawphniaw
