Shillong, Naitung 22
Ka Badminton Promotional Group, ka seng jong ki riewïeid ïa ka jingïalehkai Badminton kan pynlong ïa ka First Prize Money Badminton Tournament naduh ka 24 haduh 26 tarik mynta u bnai ha J.N Sports Complex, Polo Shillong.
Ka jingthmu ba kongsan jong kane ka lympung ka long ban ai rynsan bad plie lad ïa ki khynnah bad samla kiba don ïa ka sap ïaleh Badminton. Ha kajuh ka por ban pynsaphriang ruh ïa ka khubor ba ngi dei ban mlien ban im ka jingim kaba tei ïa ka met, ka mynsiem bad ban khiah krat. Kumta kane ka synjuk ka la khmih lynti ba kumba 200 ngut ki nongïalehkai badminton na kylleng ki district ka jylla kin wan ïashim bynta.
