Shillong, Naitung 22
Ka Lamlynti FC ka la ïoh jingjop ha ka Group-D jong ka SRGT 3rd Division Football League 2025, hadien ba ka la pynliem noh ïa ka Laitlyngkot SC da 2-1 kol ha ka Sngi Ba-ar.
Ha kane ka jingïakhun kaba la long ha SSA Stadium kaba ha First Ground, Polo, ka Laitlyngkot ka la pynkhih jar nyngkong eh lyngba u Mebanpyntngen Shabong ha ka minit kaba 48. Ka Lamlynti ka la lah ban pynphai kylla ar kol lyngba u Pyrkhatjanai Kharkongor (70) bad u Tishu Khongsit (82) na ka bynta ban ïoh shisyndon ïa ka jingjop kaba nyngkong na arsien ïakhun.
