Gaza, Naitung:
Ka World Health Organization (WHO) ha ka Sngi Nyngkong ka la pyntip ba ki jaka treikam jong ka ha ka nongbah Gaza, ki la julor noh na ka jingleit thombor jong ka Israel, wat hapdeng ka jingmaham bad jingdawa jong ki ri ka thaiñ West baroh kawei kiba la dawa ia ka Israel ba ka dei ban sangeh noh shi syndon ia kane ka thma. Katba, la ong ba ka Israel ka dang iai bteng ban leit tur sha ka phang pdeng jong ka nongbah Deir el-Balah wat hapdeng kiba bun ki jingkyntu ban sangeh noh ia ka jingpynjulor dusmon ha katei ka nongbah Gaza.
U heh ka WHO, u Tedros Adhanom Ghebreyesus u la ong ba ki shipai ka Israel ka la leit ruh sha ka jaka treikam jong ka tnat ka UN, ha kaba ki la bthah ia ki longkmie bad ki khyllung- khynnah na katei ka jaka, ba kin phet noh na katei ka jaka da ka kjat khlem ka jingpyntikna ia kano-kano ka jingiada ha ryngkat ka jingshahteh kti.
