Shillong, Naitung 22
Uwei u rangbah uba dei u nongshong shnong na kawei na ki shnong ka West Khasi Hills, u la suba jur ba u la shah thok pisa naba wat hadien ba u la dep siew pisa da ki lak hynrei haduh mynta u khlem ïoh pdiang satia ïa ka mar.
Katkum ka khubor ki pulit ba la ïoh na ka website, la ong ba une u rangbah u la ai ka jingujor sha ki pulit ba ha ka 13 tarik u Rymphang, 2025 u la ‘order’ kawei ka tiar RTX 5090 Founder Edition Graphics card bad siew pisa ruh haduh T.2.05 lak (kaba la leh online) sha uwei u briew ba la tip kyrteng kum u Chetan Sanjay Durbude.
La ong ba une u nongdie u la ai ka jingkular ba ïa katei ka tiar kaba la ‘order’ yn sa pynpoi noh ha u bnai Ïaïong, 2025 hynrei wat haduh kane ka sngi, une u nongdie u khlem lah satia ban pynpoi ïa kane ka tiar.
