Mawkyrwat, Naitung 23
Ka Mawkyrwat District Sports Association (MDSA) ka la plie ïa ki ar tylli lympumg ïalehkai phutbol ba la tip kum ka Women’s Football League 2025 bad ka 1st Inter Office Football League 2025 ha ka Sngi Balang ha madan Artificial Turf, MDSA, Nonglang, South West Khasi Hills District.
Ha kane ka sngi sdang, ka jingïa-lehkai banyngkong ka la long hapdeng ka Marshilong SC pyrshah ïa ka Maw-thynrew YC ha kaba kine ki kynhun ki la ïasam mar shi point hadien ba kim shym la lah ban thep kol haduh kaba kut ka jingïalehkai.
Katba ha ka jingïalehkai ba ar, ka Mawlangwir Sports Club ka la jop da 3-0 kol ïa ka Sohkhyllam Sports Club. Ïa kine kol la thep da ka Stifica Jyrwa ha ka minit ba 21, kumjuh ka Judinha Snaitang (32) bad ka Jyndalakmen Jyrwa (41).
Haba phai sha ka Inter Office Football League 2025, ka SP Team A ka la pynjem khnap ïa ka Basin MBMA da 6-0 kol.
Lah ban kdew ba ha ka lympung ïalehkai ki kynthei ki don 11 tylli ki kynhun kiba wan ïashim bynta, katba ha ka Inter Office ki don 22 tylli ki kynhun.
Ïa kane ka lympung la plie da u Bah Renikton Lyngdoh Tongkhar, MLA ka Mawkyrwat Constituency kum u kongsan ha ryngkat ka jingdonlang u Bah B. Jyrwa, Supe-rintendent of Police ka South West Khasi Hills District, ki nongkitkam ka MDSA bad kiwei kiwei.
