Mairang, Naitung 23
Ka District Magistrate jong ka Eastern West Khasi Hills District, ka la pynjari ïa ka kyndon aiñ 163 jong ka Bharatiya Nagarik Suraksha Sanhita, 2023 ban khang pyrshah ïa ka jingshna ïa ki plastik hapoh ka jylla lane kaba wanrah na shabar jylla kaba lum thup ne stock lypa, kaba sam ne die ïa ki plastik rah jingrah kiba ka jingrben jong ki ka duna ïa ka 120 microns.
Ha ka kyrwoh khubor ka District Magistrate, ka la ong ruh ba la pynjari ïa kane ka aiñ kaba long katkum ka jingpynmih hukum na ka Ministry jong ka Environment, Forest & Climate Change ka Sorkar Pdeng kaba la bthah ban pyntreikam ïa ka Plastic Waste Management (Amendment) Rules, 2021. Shuh-shuh, ka District Magistrate ka la ong ruh ba lada don kino-kino ki ‘riewshimet kiba pyrshah ne bym sngew ïahap ïa ka jingpynmih hukum ban khang ïa ka jingpyndonkam ïa ki plastik ki lah ban leit ïakynduh ïa ki bor ba dei peit.
