Ka jingïadei shi kur shi jait ka dei ba la ai kajuh ka jait. Ki don arngut shi para na kajuh ka kmie. Kine ki la shim ïa kajuh ka jait ka kynja jong ka kmie. Kumta ki niew shi para kur na kajuh ka kyrteng ka kur ka jait. Kumta ki ïa sngew jan namar ki dei na kajuh ka jait. Hynrei ha ki khun jong kine shi para ka jingïadei na u symbai ne blood relationship ba ki ioh kim don jingïadei watla ki ïa ai na kajuh ka kur ne ka jait makna.
Namar kum ban shu ong noh ki khun ka hynmen bad ki khun ka para ki ïa ioh ki tnga ba ïapher ha ka jait ka kynja. Ki khun ka hynmen ki la ïoh saw ngut ki shongkha ki bym ïa dei na kajuh ka jait. Kumjuh ki khun ka para ki la ïoh saw ngut ki shongkha ki bym ïa dei na kajuh ka jait.
Te ki khun ka hynmen ruh ki la ïapher ka jinglong wat la ki dei na kajuh ka jait. Kumjuh ki khun ka para ruh ki la ïapher ka jinglong wat ïa ki dei na kajuh ka jait. Namar ki shongkha ki la ïapher ka jait ka kynja. Don lei kaba ioh tnga na ka liang ki shongkha ka la pynjngai ïa ka jingïadei ki shi para trai makna. Wat la ki ïadei na kajuh ka kur jong ka kmie. Hynrei ka jingïadei kam da don shuh kum ka jingïadei shi kmie shi khun na ujuh u kpa.
Namar ki khun na ki kpa ba iapher u symbai bad ka jait kim don ka jingïadei pura shuh kum ki shi para trai na ujuh u kpa. Haba la ïapher u symbai la ïapher bad la ïa jngai wat la ka kyrteng ka jait ki ai kajuh ka jait jong ka kmie. Kane ka jingïapher ha ka longïing longsem dei ba ïapher u symbai.
C. B. Iawphniaw
