Nongstoiñ, Naitung 23
Ka West Khasi Hills Dis-trict Badminton Association ka la pynkut noh ïa ka lympung ïalehkai badminton ba la tip kum ka 16th District Open Cum Inter School Badminton Tournament 2025 ha ka Sngi Balang ha kaba u B.D Marak, Supritendent of Police ka West Khasi Hills u la long kum kongsan.
Ha katei ka jingïaleh-kai kaba la long ha Indoor Stadium Nongstoiñ, ha ka jingïakhun jong ki skul ha ka liang ki shynrang la rah da ka Anderson HSS, katba ha ka liang ki kynthei pat la rah da ka Sibsingh Memorial Govt HSS.
Nangta, ha ka jingïa-khun para marwei ha ka Under-13 ki shynrang la ïoh rah da u Nifty Devel-son Momin bad ha ka liang ki kynthei la ïoh da ka Alvareen Lyngkhoi. Ha ka Under-15 la rah da u Rayden Danley Syiem bad ka Ilapynhun Dkhar.
Shuh shuh ka samla Wanridaphi Tympuiñ ka la ïoh khur ïa ka nam jop ha ka Under-17 ki kynthei, katba u Nangteibor Nong-lang ha ka liang ki shynrang, u Samla Banshan-lang Lyngkhoi u la khur jingjop ha ka Under-19 ki shynrang.
Ha ka Doubles jong ka Under-15 ki shynrang la rah da u Rayden Danley Syiem bad u Wanshan Lyngdoh Nonglait, katba ha ka -19 Mixed Doubles la ïoh rah da u Banshanlang Parïong bad ka Sahphilinda Lyngdoh Nonglait.
Haba phai pat sha ka Men’s Singles la rah da u Ardor Marbaniang, katba ha ka Women’s Singles la ïoh da ka Barisuk Shyr-kon. Ha ka Men’s Doubles la rah da u Ardor Marba-niang lem bad u Ryng-katdor Marbaniang, katba ha ka liang ki kynthei la rah da ka Barisuk Shyrkon bad ka Ibapyntngen Shyrkon. Ha ka Mixed Doubles pat la rah da u Hubert Khar-bani bad ka Wandashisha Lyngdoh bad ïa ka nam Most Promising Player la ïohpdiang da u Donfar Nongseij bad ka Faustina Wahlang.
