Tura, Naitung 23
Ki MDC barim ka GHADC hapoh ka lama jong ka Ex-MDCs Welfare Association ki la kyrpad ïa ka Sorkar Jylla, ka tnad District Council Affairs bad ka GHADC ban pynsted haba ïadei bad ka rukom siew ïa ki baibam tymmen jong ki katba lah kloi.
Ka seng ka la pynlong ïa ka jingïalang ha ka 19 tarik Naitung ha SMELC Building, Tura ha kaba nalor kiwei pat ki kam, la ïakren halor ka jingbym pat siew ba sahteng halor ki baibam tymmen jong ki.
Katkum ka jingong ka seng, ka jingleit mih ka bym lah ñiew shuh sha ki EC bapher-bapher, ka EC ba mynta, ka Sorkar Jylla kynthup ïa u Myntri Rangbah ka Jylla, u Conrad Sangma, hynrei kine baroh kim shym la lah ban pynbeit ïa kane ka mat.
Ki baibam ba sahteng jong ki MDC barim ki la sahkut naduh ka 1 tarik Ïaïong, 2013.
Da kaba kdew ba ka jingkyntait ne jingbym leh eiei ban siew ïa ki baibam ka long kum ka jingpynkheiñ ïa ka rai ka HC bad hukum ba la pymih ha ka 4 tarik u Rymphang, 2011, ka seng ka la kyntu ïa ki bor ba dei khmih ban pyllait noh kloi ïa ki jingsiew ba dang sahteng jong ki.
