Shillong, Naitung 23
Ka Daniella I.W Mylliem -ngap bad ka Medari -phylla L. Nongbri ki la long ar ngut ‘thei ïalehkai ka Jylla kiba la wanrah nam bad burom da kaba khur ïa ki takma ksiar ha ka Seniors & Masters – Men/Women National Kickboxing Champion-ship 2025 kaba la poi sha kaba kut ha ka 20 tarik mynta u bnai ha Raipur, Chhattisgarh.
Ka Daniella na Upper Lumparing ka la khur ïa katei ka takma ha ka K1 Rules -60kg bad ka Medariphylla na Smit Lemthaw (EKHD) ha ka K1 Rules – 56kg. Kine ar ngut ki la mihkhmat na ka Jylla hapoh ka lama jong ka Meghalaya State kickboxing Association (MSKA).
Nalor kitei ki takma, ka Jylla ka la khur sa lai tylli ki rupa lem bad saw tylli ki rnong. Ïa ki takma rupa la khur da u Fourwell Khongmalai na Wahk-dait (Pymursla) ha ka Kick Light Veteran -54kg, Lumjingsuk Ïawphniaw na Mawten (SWKHD) ha ka Low Kick -51kg bad u Kynsai-miki Soyoona Nongkyn -rih ha ka K1 -63kg.
Ïa ki takma rnong la khur da u Dipuline R Marak na Danagrek, Tura (WGHD) ha ka K1 Rules -75kg, Sakiban-shai Nongbri na Mairang Massar ha ka K1 Rules -51kg, Adialmarphi Nongdharna Pohkseh ha ka K1 Rules -51kg bad u Gregory Ferando Sohtun na Lummawbah Mawbynna ha ka Rules K1-67kg. Ïa kane ka kynhun la ïalam da u Coach u Khrawjutang M Kharsyntiew na Mairang.
