Shillong, Naitung 24
Ka East Khasi Hills District Badminton Asso-ciation (EKHDBA) kan pynlong ïa ka lympung ïalehkai 9th East Khasi Hills District Badminton Championship 2025 naduh 7 haduh 9 tarik u Nailar mynta u snem.
Ïa kane ka lympung la phiah ha la ki jong ki kyrdan; ka Senior Men & Women, Under-19, Under -17 years, Under -15 bad ka Under -13 na ka bynta ki shynrang bad kynthei ki ban ïakhun ha ka Singles, Doubles bad Mixed Doubles.
Kat kum ka kyrwoh ba la pyllait da ka Secretary Kong Balarina Syiem, la ong ba ki nongïalehkai (Under -19/17/15/13) kiba lah ban ïashim bynta ha katei ka lympung ki dei ban long kat kum ka Calendar Year, (1 tarik u Kylalyngkot haduh 31 tarik u Nohprah 2025).
La ong ba ki nongïalehkai ki dei ban long kiba la kha ha lane hadien ka 01-01-2007 na ka bynta ki Under-19, 01-01-2009 na ka bynta ki Under-17, 01-01-2011 na ka bynta ki Under-15 bad 01-01-2013 na ka bynta ki Under-13. Ïa ki jingtip kiba bniah ki lah ban phone ïa u Asst. Secretary Bah J. M. Sun (98630-37430 & 97744-56666) lane Bah Aibor Ranee (9856709479). Ka tarik kaba khatduh ban pdiang ïa ki kyrteng ki nongshim bynta kan long shwa ka 1 tarik u Nailar.
