Ka aiñ ka don tang ïa kiba trei kam sorkar te ka don ka por shong-thait jong ki briew ka long haba la kynjoh ka rta sha ka 60 snem. Hato ka don ka por ban shongthait na ka kam shakri niam ne balang ? Nga ialade te nga phla ba nga la shongthait noh na kaba leit sha ki jingïaseng. Ki nongrep ruh ki don ka por ban shongthait na ka kam rep kam riang haba ki la kynjoh sha ka 70 snem sha jrong. Namar kim lah shuh ban trei ban ktah haduh kane ka rta. Wat la kim don ka por shongthait kumba don kiba trei kam sorkar. Kiwei kiwei ki kam bad ki jingtrei ruh bun kiba hap sangeh noh hi haba karta ka la palat ïa ka 75 snem sha jrong. Namar kim lah shuh hi ban trei wat lada ki kwah ban trei ruh. Te ka kam shakri balang ruh ki don bun kiba la pep noh haba ki la tymmen bad la noh ka rta. Dei tang kiba dang khlaiñ dang shait bad kiba dang biang ka rta kin ïa shim bynta ha ka rwai ka siaw, ka ïaroh bad pynlong jingduwai bad leit ïalap sha ki jingïaseng ba pynlong ki kynhun balang.
C. B. Iawphniaw
