Shillong, Naitung 24
Ki shipai Border Security Force (BSF) jong ka 172 Battalion, BSF Meghalaya Frontier ki la ïoh ban kem noh ïa san ngut ki nong Bangladesh kiba la rung tuh sha u pud u sam jong ka India najan khappud ka East Jaiñtia Hills.
Kitei san ngut nong Bangladesh kiba la shah kem ki kynthup ïa ar ngut ki shynrang, ar ngut ki kynthei bad kawei ka khynnah kynthei.
Ïa kine ki briew la ïoh kem ha ka jingkhynra ba la pynlong hadien ka jingïoh ïa ka jingtip kaba bniah ïa ka jingdon ki briew ba rung ba mih na kawei ka khlaw hajan khappud.
Ki shipai ki la ïohi ïa ki briew ba ïaid ha kane ka khlaw bad ki la kerkut ïa ka jaka, kaba lam sha ka jingïoh kem ïa kitei san ngut kiba rieh ha ki sañium hapdeng ka jingdum. Ïa kine ki briew la aiti noh sha ki pulit ka thaiñ ba kin tohkit bad leh ïa kaba donkam.
