Shillong, Naitung 24
Ka Meghalaya Jeet Kune-Do Association (MJKA) ka la pynlong ïa ka 10th Meghalaya Jeet Kune-do Championship 2025 ha ka 18 bad 19 tarik mynta u bnai ha MSMA Training Centre kaba ha Laitkor Kynton-U- Mon.
Ïa kane ka lympung la plie da u Bah Pynshai Mawri, Rangbah Shnong ka Laitkor Mawri Lumheh bad ha ka sngi pynkut la ïadon lang u Chairman ka MSMA u Bah Donny Ranee. Ki la don haduh 150 ngut nongïashim bynta na East Jaiñtia, West Jaiñtia, West Khasi Hills, Eastern West Khasi Hills, West Garo bad East Khasi Hills Districts.
Ïa ka nam lahduh la rah da ka East Khasi Hills District, katba ka West Jaiñtia Hills District ka la wan ba-ar.
Na ka liang u President ka MJKA u la pyntip ba ki nongjop na kane ka lympung kin shah jied ban leit ïashim bynta ha ka lympung ïalehkai Northeast Jeet Kune-Do Championship ka ban long ha u Nailar 2025 ha Cotton College, Guwahati bad ruh ha ka 35th National Jeet Kune-Do Championship ka ban long ha u Naiwieng 2025.
