Shillong, Naitung 24
Ka Moonongtdu SC bad ka Musniangrim SC ki la jam sha ka quarter final ha ka lympung ïalehkai 3rd Division Football League 2025 ba la pynïaid da ka East Jaiñtia District Football Association (EJDFA) hadien ba ki la ïoh jingjop ha ka Sngi Palei.
Ha ka jingïakhun pre-quarter final kaba la long ha Khliehriat, ka Moo-nongtdu ka la pynliem noh ïa ka Nongsning YSC lyngba ka tie-breaker da 4-2 kol hadien ba kim shym la lah ban thep kol haduh kaba kut ka jingïalehkai.
Haba phai sha kawei pat ka jingïakhun, ka Musniangrim ka la pynliem noh ïa ka Wahsan-phaw SC Sohkyhmphor lyngba ka shi kol ba la thep da u Remingson Rymbai ha ka minit kaba 64.
