Shillong, Naitung 25
U Xavi Hernandez, rangïalehkai shapdeng ba pawnam jong ka Spain bad ruh u coach barim jong ka Barcelona, u la thep kyrteng ïa ka kam head coach jong ka phutbol ka India hynrei ka AIFF ka la kyntait ïa u namar ka jingbymlah ban siew ïa ka dor katkum ka jingïateh kular. Ka AIFF ka pdiang 170 tylli ki aplikeshon, ha kaba la jied lyngkot tang lai ngut ki kyrtong.
U Khalid Jamil coach jong ka Jamshedpur FC uba don ka jingshemphang ha ka jingïalehkai phutbol ka India, khamtam eh u la ïalam ïa ka Aizawl FC ban rah nam lahduh ha ka I-League ha u snem 2017
U Stephen Constantine coach barim ka India uba thmu ban rung ha ka sien kaba lai, hadien mynshwa u la ïalam ïa ka kynhun ban rung sha ka AFC Asian Cup 2019 bad ban jop ïa ka SAFF Championship 2016.
U Stefan Tarkovic coach barim jong ka kynhun ïalehkai ka Slovakia uba la pawnam ha kylleng ka pyrthei, uba la tip na ka bynta ka jinglong ryntih bad ka jinglah ban pynpoi sha ka thong watla don jingduna ha ka por lehkai.
Ka AIFF kan sa pynlong ïa ka jingïalang kaba kyrkieh jong ka Executive Committee hapoh ka taïew ban wan ban pynkut noh ïa ka jingthung thymmai ïa u head coach. U kyrtong ba la shah jied un hap ïakhun tyngeh bad pyni ïa ka jinglah ban leh ïa kane ka bynta, ha kaba ka jingeh kaba bud jong ka India kan long ka jingïakhun ïa ka AFC Asian Cup 2027 qualifiers ha u bnai Risaw.
U coach bathymmai u dei ban wan bujli noh ïa u Manolo Marquez coach barim uba la iehnoh kam ha u bnai Jylliew hadien ka jingshah rem ka kynhun ka Ri ha ka Hongkong.
