Khliehriat, Naitung 27
Ka Lumshnong YWSC, Moosiang Lamare New YWOSC bad Moosiang Lamare Old SWO ki la ïoh jingjop ha ka lympung ïalehkai 2nd Division Football League ba la pynïaid da ka East Jaiñtia Hills District Football Association (EJHDFA) ha ka Sngi Saitjaiñ ha madan artificial turf Diengshynrum kaba ha Khliehriat.
Ha ka jingïalehkai kaba nyngkong, ka Lumshnong YWSC ka la pynliem noh ïa ka Ïapmala United SC da 3-0 kol. Ïa kine kol la thep da u Joy peace Pohthmi ha ka minit kaba 41, kumjuh u Arniki Suchiang (51) bad Rida o Rupai (59).
Ha ka jingïalehkai kaba bud, ka Moosiang Lamare New YWOSC ka la jop da 4-1 kol ïa ka Lakadong Ummat SSC. Ïa ki kol jong ka Moosiang Lamare New YWOSC la thep da u Juhki Suting ha ka minit kaba 10, kumjuh u Iotmi Nongtdu (31), bad u Woldbest Nongtdu (44 & 49). Katba ïa ka shi kol jong ka Lakadong Ummat la thep da u Rimiki Chadong (18).
Haba phai sha kawei pat ka jingïalehkai, ka Moosiang Lamare Old SWO ka la jop da 5-4 kol ïa ka Ratacherra CSC. Ïa ki kol jong ka Mosiang Lamare la thep ar kol da u Pyniar Pasleiñ ha ka minit kaba 8 & 30, kumjuh u Premio Muksor (35) bad u Sol Sympli (72 & 80+3). Katba u Gradely Mylliem jong ka Ratacherra ula khyrwit da ka hat-trick ha ka minit 20, 39 & 42 bad kawei ka la ïarap da u Lutmon Pohshna (75).
