Tura, Naitung 27
Da kaba pynbor ban pynlong Nongbah Tlang ïa ka Tura, ïa ka jingïalang ba 17 jong ka ‘Winter Capital’ la pynlong ha ka Sngi Saitjaiñ ha Jangrapara kaba hap hapoh Tikrikilla, West Garo Hills.
Ha kane ka jingïalang ba la pynlong da ka ASPF na Jangrapara la ïashim bynta da ki Sordar, ki Nokma, ki seng kynthei bad nongmihkhmat samla.
Na ka liang ki dkhot ka AHAM, AYWO bad GSMC ruh ki la wan ban ïashim bynta lang ha kane ka jingïalang.
Ha kane ka jingïalang, ka General Secretary ka ASPF, ka Bernita Marak bad nongïalam ka GSMC, Balkarin Marak ki long kiwei pat kiba la ai jingkren ha kane ka jingïalang.
Baroh ki nongkren ki la ban jur halor ka jingdonkam ban pynlong ïa ka Tura kum ka Nongbah Tlang, ha kajuh ka por la kyntu ïa ki ban ïa long tylli kawei haba ïadei bad kane ka jingdawa.
