Guwahati, Naitung:
Ka jingduna palat jong u slap kymba la sakhi, ka la wanrah ïa ka jingkyrduh um bad ka jingrang tyrkhong ha kylleng ki 25 tylli ki distrik ha Assam, kaba la pynmih ïa ka jingsngewkhia halor ka jinghiar kaba jur ha ka jingpynmih ïa u kba bad kaba la pynpaw pyrthei ïa ki lad ai um kiba tlot jong ka jylla.
Ka tnat Agriculture Meteorology jong ka Assam Agricultural University (AAU), ha Jorhat, ka ïathuh ba hapdeng ka 1 tarik, Jylliew bad ka 23 tarik, Naitung, ki la don kumba 9 tylli ki distrik kiba la ïohmad ïa ka jingduna palat jong ka jinghap jong u slap uba jur, katba 16 tylli kiwei pat ki la mad ïa ka jingduna jong ka jinghap slap.
U heh jong ka tnad Agriculture u la pynthikna ba ka jingduna slap ha kane ka aïom rep kaba eh ka lah ban ktah jur ïa ka jingrep ïa u khaw Sali, u jingthung ba kongsan ha Assam ha kane ka aïom Lyiur.
Katkum ka jingkheiñ jong ka India Meteorology Department (IMD), ka Assam ka la ïoh ïa ka jinghap jong u slap kaba duna bha kaba long 44%, katba ka Arunachal Pradesh, Meghalaya, bad Manipur ki la ïoh ïa ka jingduna kaba 48%, 58%, bad 21%.
Ki khyndai tylli ki distrik kiba don ka jingduna kaba kham jur kum ka jingduh ïa ka 60% haduh -99% na kaba thikna ban ïoh kumba ju ïoh, kine ki distrik ki kynthup ïa ka Bajali (71%), Barpeta (72%), Bongaigaon (63%), Chirang (64%), Darrang (80%), Dhemaji (63%), Dhubri (66%), Nalba,5muri63%).
Ki 16 tylli ki distrik kiba ïoh duna slap, ki la pynpaw ba ki la duna hapdeng -20% bad -59%, ki kynthup ïa ka Baksa, Dibrugarh, Goalpara, Golaghat, Kamrup, Kamrup Metro, Kokrajhar, Lakhimpur, Majuli, Nagaon, Sivasagar, Sonitpur, Sribhumi, Tinsukia, Udalguri, bad West Karbi Anglong.
