Shillong, Naitung 28
Ka lympung ïalehkai U-20 Fourth Division Football League Cum Knockout Tournament 2025 ba la pynïaid da ka Shillong Sports Association (SSA) ka la jam sha ka quarter final ha kaba phra tylli ki kynhun kin ïaknieh ban ïoh rung sha ka semi final.
Ki kynhun kiba la lah ban jam sha kane ka kyrdan ki long ka Laitlulong SC, Lapalang SC, Mawlynrei SC, Golflink SC, Mawkasiang SC, Mawphlang SC, Laitkroh SC bad ka Lummawbah SC.
Te, kumta kane ka jingïakhun quarter final kan sdang naduh ka 30 tarik ha kaba ka Laitlulong kan ïakhun pyrshah ïa ka Lapalang ha ka por 3:45 nohphai sngi ha SSA Stadium. Kumjuh ha ka 31 tarik ka Mawlynrei ïa ka Golflink por 3:30 nohphai sngi, ha ka 1 tarik u Nailar ka Mawkasiang ïa ka Mawphlang (03:30 PM) bad ha ka 2 tarik ka Laitkroh ïa ka Lummawbah (02:30 PM).
Kat kum ka kyrwoh ba la pyllait da katei ka synjuk, la ong ba ïa ka semi final yn pynlong ha ka 6 bad 7 tarik u Nailar bad ïa ka final yn pynlong ha ka 16 tarik u Nailar.
