Shillong, Naitung 28
Ka Shillong Lajong FC kan pynkhreh ïa ka jingïakhun ba ar ha ka lympung ïalehkai 134th Durand Cup pyrshah ïa ka Rangdajied United FC ha ka Sngi Ba-ar ha ka por 7 baje janmiet ha Jawaharlal Nehru Stadium, Polo.
Kane ka la wan hadien ba katei ka kynhun hapoh ka jingïalam u Birendra Thapa ka la lah ban pynjem khnap ïa ka Armed Forces Football Team (ATM FT) kaba na Malaysia da 6-0 kol ha ka jingïalehkai kaba nyngkong jong ka Group-E ha ka Sngi Saitjaiñ.
Kine ki kynhun ki la ïakynduh teng mynshem snem ha kaba ka Lajong ka la jop da 2-0 kol ïa ka Rangdajied bad ïa kine kol la thep da u Ronney Willson bad u Kenstar Kharshong.
Te, kumta la khmih lynti ba kane ka jingïalehkai ‘derby’ kan long kaba itynnad.
