Shillong, Naitung 28
Ka selection committee jong ka Meghalaya Cricket Association ka la pyllait ïa ka thup kyrteng jong 25 ngut ‘thei ïalehkai (senior) ban mihkhmat ïa ka Jylla ha ki lympung ïalehkai jong ka BCCI jong ka aïom ïalehkai 2025-26.
Kane ka jingjied katei ka komiti jong ka MCA ka la long hadien ba ki la bishar bniah halor ka jinglah jong ki ha ki prokram jingpyrshang (selection trial matches) kiba la pynlong dangshen bad kumjuh halor ka jingïalehkai bha ha ka aïom ïalehkai 2024-25 bad 2023-24.
Ïa ka thup jong 25 ngut yn sa pynduna shuh lyngba ka jingjied bad jingpynkhreh kaba khatduh ha kaba sdang jong u Nailur. Hapdeng kane, la ai jingmut ïa ki 25 ngut nongïalehkai ba kin bteng ban kilanmet bad pynbit bha hi dalade.
Ka aïom ïalehkai kriket jong ki kynthei kan sdang da ka Senior Women’s T20 Trophy naduh ka 8 tarik u Risaw ha kaba yn bud sa ka Senior Women’s One Day Trophy naduh ka 6 tarik u Rymphang 2026.
Ki kyrteng jong ‘thei ïalehkai ki kynthup ïa ka Luiza Tamang, Daïaka E Warjri, Suruti Kumari Ray, Ankita Sharma, Indariakor Kharwan-ñiang, Debasmita Dutta, Neha Hajong, Ruby Chettri, Solina Jaba, Mansi Anand, Ajima A Sangma, Deiphibapyn-shngaiñ L Mawnai, San-dria K Momin, Monica L Phawa, Riticia Nong-bet, Monycable Marba-niang, Sildamicresha Marbaniang, Rebeldalis Syiemlieh, Blaridahun Dkhar, Sistilin Rynta-thiang, Dianchidora Sangma, Janika Marak, Pilika Marak, Ritreki Pohshna bad ka Dubleen Nengnong.
