Khliehriat, Naitung 28
Ka Lumshyrmit bad Lama Youth ki la lah ban pynthikna ban jam sha ka quarter final ha ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association (EJHDFA) hadien ba ki la ïoh jingjop ha ka Lah Sngi U Blei.
Ha ka jingïakhun pre-quarter final kaba la long ha madan artificial turf Diengshynrum kaba ha Khliehriat, ka Lumshyrmit SCSC ka la pynliem noh ïa ka Cham lyngba ka tie-breaker da 4-3 kol. Kumjuh ka Lama Youth SC ka la jop lyngba ka tie-breaker da 4-3 kol ïa ka Rymbai SYWO.
Nalor ka Lumshyrmit bad Lama Youth, kiwei de ki kynhun kiba la rung sha ka quarter final ki long ka Youngster SCC Huroi, Narwan SC, Umrasiang United SC, Suchen Lumïarain SC, Moonongtdu bad ka Musniang Rim SC.
