Nongpoh, Naitung 29
Ha kawei ka jingjia ha ka step phyrngab jong ka Sngi Ba-ar, kawei ka kali kaba kit smam da u sohtrun ka la leit noh sha pynthor kba hadien ba u nongñiah uba la tip kyrteng kum u Soleman Khan u la pyrshang ban kiar ïa kawei pat ka kali kaba wan na ka liang pyrshah bad kaba la pynmeh da ki light LED kiba thaba ha Ïewmawlong.
Kane ka jingjia ka dei ha ka por kumba 2 baje eiei mynta ka step ha kaba katei kali kit sohtrun kaba don ïa u registration number AS01-RC-3621, ka dei kaba dang mih na Marngar bad kaba thmu ban leit pynhap ïa u sohtrun sha ka nongbah Guwahati.
La ïoh jingtip ruh ba ha kane ka jingjia, kam shym la don satia ka jingmynsaw, lait noh tang ka jingjulor jong kali malu-mala bad ka jingduh jong khyndiat u kba uba dang shu dep ban thung ha katei ka pynthor. Kumta na ka liang ki bor pulit ka thanat Nongpoh ki dang pynlong ïa ka jingtohkit halor kane ka jingjia bad ruh ban tan noh ïa katei ka kali.
