Shillong, Naitung 29
Kawei ka longkmie, 45 snem ka rta, ka la mynsaw jur hadien ba ka la shah thombor da ka wait ha la u kurim.
Katkum ka khubor ba la ïoh na ki pulit la ong ba ha ka 26 tarik mynta u bnai, uwei u briew hapdeng ka jingshoh khawiang, u la thombor ïa la ka kurim kaba la 45 snem ka rta da ka wait ha ka ïingsah jong ki, kaba don ha kawei na ki dong ha West Garo Hills.
La ong ba ha kane ka jingshah thombor, katei ka longkmie ka la mynsaw jur bad la pynkit noh sha ka jaka ai jingsumar ha Civil Hospital Tura. Na ka liang jong ki pulit ki la kem noh ïa utei u briew ba la kynnoh ban thombor ïa la ka kurim bad ka jingtohkit ka dang ïaid shakhmat.
