Shillong, Naitung 29
Ka Nongumlong SC bad ka Sanmer SC ki la ïasam mar shi point ha ka lympung ïalehkai SRGT 3rd Division Football League 2025 ba la pynïaid da ka Shillong Sports Association (SSA) hadien ba kim shym la lah ban thep kol haduh kaba kut ka jingïalehkai ha ka Sngi Ba-ar ha SSA Stadium, Polo.
Kat kum ka kyrwoh la ong ba watla ka jingïalehkai ka la long kaba ïaid beit, pynban la ïalehkai wat hapdeng ka jingpyrshah.
Te, kumta ka Nongumlong ka dang ïai bat ïa ka kyrdan balai ha ka Group-A ryngkat 4 point, katba ka Sanmer ka la ïoh 3 point na ki lai sien ïakhun.
Kane ka lympung kan bteng biang ha ka Sngi Balang ha kaba ka Kharang kan ïakhun pyrshah ïa ka Madan SC ha ka por 10:30 mynstep, kumjuh ka Mawkriah West SC ïa ka Umïew Maw U Sam ha ka por 1:30 mynsngi. Katba ka jingïalehkai quarter final jong ka 4th Division (U-20) Football League 2025 kan long hapdeng ka Laitlulong SC pyrshah ïa ka Lapalang SC ha ka por 3:45 nohphai sngi.
