Shillong, Naitung 29
U Superintendent of Police (SP) ka East Khasi Hills, Bah Vivek Syiem u la pyntip ba ha ka 26 tarik u Naitung, 2025, la lap ïa kawei ka metïap jong u briew bym pat ithuh kyrteng na phyllaw ka Punjab National Bank, Nongthymmai, Shillong
Hadien ba la lap ïa kane ka metïap ha ka por 6.30 mynstep, ki pulit ki la phah ban leh ïa ka Post Mortem bad kiwei pat ki jingdonkam ban tip ïa ka daw halor ka jingkhlad jong utei u briew. Hadien ba la dep Post Mortem ïa ka met la buh ha ka jaka buh metïap ha NEIGRIHMS hospital ban wan kam ki bahaïing.
La antad ba une u briew u don ha ki rta 26-28 snem bad u don ïa ka jingjrong kaba 5.5 phut, u don ïa ka sniehdoh kaba shu biang, bad u phong da ka jacket rong ïong, ka patlun jean rong jngum, ka track pant ba ïong napoh, ka t-shirt rong ïong bad ka T-shirt rong lieh.
Ki pulit ki la kyntu lada don kino-kino kiba ithuh ne ki bahaïing jong une u briew kin wan ban kam ïa ka metïap ha NEIGRIHMS hospital lane phone ha kine ki number O/C Rynjah Police Station: 0364-2230402, I/C Police Control room: 0364-2222214/2222215, I/C Nongthymmai Police BH: 0364-2537587.
