Shillong, Naitung 29
Ka East Khasi Hills Basketball Association (EKHBA) ka la pynlong ïa ka 2nd Annual General Meeting ha ka Sngi Saitjaiñ bad pynlong ruh ïa ka ilekshon na ka bynta ban jied ïa ki nongkitkam kiba thymmai na ka bynta ka samoi treikam 2025-2028.
Ha katei ka sngi la thung President ïa ka Dr. M. Ampareen Lyngdoh, Working President Bah James Lyngwa, General Secretary Bah Symper Ryntathiang, Treasurer Bah Andy Basaïawmoit, Senior Vice President Bah Kitkuparlang Kharshiing, Joint Secretary Dilip Gurung, katba ki Vice President ki kynthup ïa ka Kong Audri Syngnah, Kong Audri Nongrum, Dulon Kharboti bad Bah Fantin S. Lakadong. Ki Associate Secretary ki long ka Kong Wini Warjri, Kong Sharon Lyngdoh, Bah Wanbok Pyrbot bad Bah Pyngshngaiñ Moksha. La thung ruh ïa shiphew ngut ki executive member.
Na ka liang ka EKHBA ka la ai khublei kyrpang ïa baroh ki nongkitkam thymmai bad ka la khmih lynti ba kane ka samoi treikam kaba thymmai kan long kaba jop bad kaba seisoh hapoh ka jingïalam jong ki.
