Shillong, Naitung 29
Ki pulit ki la kem noh ïa uwei u samla ba la kynnoh donkti ban dung da ka tari ïa la u paralok.
Katkum ka khubor na ki pulit la ong ba ha ka 26 tarik mynta u bnai, ha ka por kumba 12.30 shiteng synñia, uwei u briew ba la tip kyrteng kum u Shemphrang Nongrum, 20 snem ka rta, la ong ba u la dung da ka tari ïa la u paralok ba la tip kyrteng kum u Jankising Nongspung, 27 snem ka rta.
La ong ba kane ka jingjia ka la jia ha ka shnong Thynroit kaba hap ha East Khasi Hills. La ong ruh ba kham hadien jong kane ka jingjia, la pynkit noh ïa utei uba la shah dung sha Super Care Hospital, Shillong na ka bynta ban pynïoh ïa ka jingsumar kaba biang.
