Itanagar, Naitung:
Ka Bharatiya Janata Party (BJP) ha ka 23 tarik, Naitung, 2025, ka la thung 5 ngut ki heh Morcha ba thymmai ha Arunachal Pradesh da ka jingmynjur jong u National President u J.P. Nadda.
Kine ki jingthung kam, kiba la leh da u President ka BJP ha ka jylla, uba dang shu shah thung thymmai, u Kaling Moyong, ki thmu ban pynkhlaiñ ïa ka jingïaid lynti bad ki kam jong ka seng ha kylleng ki bynta bapher bapher jong ka imlang-sahlang.
U Nabam Yahi u la shah thung kum u Head jong ka kynhun Mahila Morcha na Papum Pare distrik. U Tamey Siyang un ïalam ïa ka kynhun Yuva Morcha na Kurung Kumey, katba u Taring Rai un shimti ïa ka kynhun Minority Morcha na Upper Subansiri
U Kame Yangfo u la shah jied kum u khlieh jong ka ST Morcha na East Kameng, bad u Gumsen Lollen un mihkhmat ïa ka Kissan Morcha na West Siang.
Ki nongïalam ka seng ki la ong ba ki jingthung kam ki pyni ïa ka buit treikam jong ka BJP ban pyniar ïa ka jingïatreilang hapoh ka jingïalam jong u Myntri Rangbahduh ka ri u Narendra Modi bad u President ka seng u J.P. Nadda.
U Kaling Moyong u la pynpaw ka jingngeit skhem ba ki heh ka Morcha kiba dang shu shah thung thymmai kin wanrah ïa ka bor ba thymmai ha ka seng bad ban noh synñiang sha ki thong pynroi jong ka seng ha kylleng ka jylla Arunachal Pradesh.
