Khliehriat, Naitung 30
Ki pulit ka Umkiang PPP ha ka 30 tarik u Naitung ki la ïoh ban kurup noh ar tylli ki thuk-thuk ba la iehnoh bad buhrieh ha ka khlaw ha shnong Dona Skur, East Jaiñtia Hills District.
Katkum ka khubor pulit la ïathuh ba baroh ar tylli ki thuk-thuk ki don ki jingpynthut ha ka jaka thep shabi bad ki tank umphniang, kaba pyni shai ba ki lah ban dei kiba shah tuh.
Kine ki thuk-thuk ki dei ka Royal Enfield Hunter kaba don ïa u Number AS11-AD-0356 bad ka Bajaj Pulsar 150CC kaba don ïa u Number AS11-S-0501.
Ki pulit ki la pynlong ka jingtohkit ban lap ïa ki trai ba dei hok bad ban lap ïa kiba donkti bad lada don kino- kino kiba don jingtip, la kyrpad ba kin pyntip sha u PCR Khliehriat lane sha Police Station kaba jan tam.
