
Shillong, Naitung 31
Ka ïingbishar jong ka Kong M.K Lyngdoh, Special Judge (POCSO) ka East Khasi Hills lyngba ka hukum kaba la pynmih, ka la rai pynrem ïa uwei u briew uba donkti ha ki kam leh be-ijot ïa ka khynnah bad hukum ban set patok haduh 7 snem ryngkat bad ka daiñ kuna T.30,000.
Une u briew uba la shah rai pynrem u dei ba la tip kyrteng u Stevenson Nongsiej ba khot sin u Steve, uba la shah kem ha ki pulit ka thanat Rynjah bad shah pynngat hapoh ka kyndon 5(g)/6 jong ka POCSO Act pule lang bad ka kyndon 366 A ka IPC.
Ka ïingbishar ka la hukum ban set ïa une u briew haduh 7 snem bad T.30,000 ka kuna katkum ka kyndon 4 jong ka POCSO bad lada um lah siew, un hap shong patok sa 4 bnai.
Shuh shuh kane ka ïingbishar ka la hukum ruh ban set patok 3 snem shiteng ïa u Tasparsing Lyngdoh Lyngkhoi ba khot sin u Bahduh namar ki kam bymman katkum ka kyndon 18 jong ka POCSO Act.
Ïa kane ka case la tohkit da ka WPSI S Wanshong kaba trei mynta kum ka Prosecuting Officer (PI) Shillong Court, East Khasi Hills.