Shillong, Naitung 31
Ka Mawlynrei ka la lah ban pynthikna ban jam sha ka Third Division 2026 bad ka la rung ruh sha ka semi final ha ka lympung ïalehkai U-20 Fourth Division 2025 ba la pynïaid da ka Shillong Sports Association hadien ba ka la lah ban pynliem noh ïa ka Golflink da 3-0 kol ha ka Sngi Palei ha SSA Stadium kaba ha First Ground, Polo.
Kane ka nam jop ka la wan urlong lyngba u Ferdinand Pyngrope (2′), Elvinson Kharsohnoh (25′) bad u Andrew Marboh (75′).
Ha kane ka jingïakhun quarter-final, baroh ar kynhun ki la pyrshang ban ïakhun tyngeh naduh kaba sdang. Ka jingbym lah ban khanglad da ki ‘rangïalehkai ka Golflink ka la pynlong ïa ka Mawlynrei ban pynkhih jar nyngkong eh lyngba u Ferdinand ha ka minit kaba 2.
Hadien katto-katne por ka Mawlynrei ka la pynbud biang ïa ka kol ba ar lyngba u Elvinson Kharsohnoh hadien ba u la lah ban pynpra ïa ki ‘rangïalehkai shadien ka liang pyrshah. Ha shwa ban kut ka jingïalehkai jong ka kylla miet, katei ka kynhun ka la thep biang sa shi kol lyngba u Andrew na ka bynta ban ïoh shisyndon ïa ka jingjop.
Ha kaba ïadei bad ka lam khlieh (heading) ‘Kiew kyrdan ka Laitlulong sha ka Third Division, rung semi final ha ka U-20 Fourth Division’ kaba la mih ha ka Sngi Palei, sngewbha pule noh ba kiew kyrdan ka Lapalang sha ka Third Division hadien ba jop ïa ka Laitlulong.
Kawei pat ka jingïalehkai quarter final ha ka Sngi Thohdieng kan long hapdeng ka Mawkasiang pyrshah ïa ka Mawphlang ha ka por 3:30 nohphai sngi.
