Nongstoiñ, Naitung 31
Ka West Khasi Hills Dis-trict Taekwondo Associa-tion, ha ka Sngi Palei ka la pynkut noh ïa ka District Level Taekwondo training cum Selection Trail na ka bynta ban pynkhreh ïa ka 39th National Game 2027 ka ban long ha ka jylla Meghalaya.
Ïa kane ka rynsan ïalehkai na ka liang ka Synjuk ka la sdang naduh ka 17 tarik mynta u bnai bad la pynkut hynne ka sngi ha Indoor Sport Hall kaba ha New Nongstoiñ.
Ha kane ka sngi pynkut ïa kane ka rynsan ban jied bad ai jinghikai ha kaba ïadei bad kane ka jingïaleh-kai, la donlang u Bah G.J.L Sangriang, President ka WKHDTA, Bah Gabriel Sohlang, Vice President, Bah C. Langstang MTA Shillong, u Beaker Deka (referee), ka Kong Siew-dorhun Mawlong (Instruc-tor), Bah D. Sun, President ka West Khasi Hills Boxing & Shooting bad kiwei-kiwei ki dkhot ka Synjuk.
“Kane ka dei tang ka rynsan ïa phi ban shah jied, nai pat ïakren ïa ka ïoh takma ne ym ïoh medal, hynrei tang ba phin ïoh ban ïuhkjat ha ka rynsan jong ka ri ka la dei lypa ka jingjop. Kumta nai da pyrkhat than shaphang kaei-kaei jong u snem 2027, hynrei kawei kaba nga, nga don ban ong, pynkhreh ba la kumno- kumno tang ba ngan ïoh ban ïuhkjat ha ka Taekwondo mat dei jong ka ri ruh ka la dei ka burom kaba khraw,” ong u Bah Sangriang haba kren kyntu-kynpham ïa ki khynnah ïalehkai ha kane ka sngi.
