Jowai, Nailar 01
Ki pulit ka East bad West Jaiñtia Hills ha ka 1 tarik Nailar ki la ïoh ban kem noh ïa arngut ki briew kiba donkti ha ki kam khaïi drok.
Hadien ba la ïoh ïa ka jingtip kaba tikna, ki pulit ki la ïoh kem ïa u Kmenlang Dkhar katba u dang wan na Kalain, Assam sha Jowai ha kaba ki la ïoh ban kurup haduh 12.33-gram u ‘heroin’, ba la thep ha ka synduk sabon, lem bad ka ‘mobile phone’.
Hadien ka jingphla jong u Kmenlang bad jingpynithuh ki pulit ki la ïoh ban kem sa ïa u Rudy Sutnga uba dei u nongkhaïi drok bad u nongbei tyngka na bynta une u ‘heroin’ ba la ïoh kurup uba shong ba sah ha Mynthong, Jowai.
Mynta ki pulit ki la pynlong ïa ka jingthwet ban ïoh kem sa ïa kiwei pat ki briew ba donkti ha kane ka kam ba kynthup ïa ki briew kiba dei na Assam bad Meghalaya.
Ki pulit ki la pynngat mukotduma ïa kane hapoh ka Narcotic Drugs and Psychotropic Substances (NDPS) Act bad ka jingtohkit mynta ka la ïaid shakhmat.
